Bad Weather – අයහපත් කාලගුණය හේතුවෙන් ලොව පුරා සිදුවන මරණ වැඩිවීමේ අවදානම පිළිබඳව ලෝක කාලගුණ විශේෂඥයින් අනතුරු අඟවා තිබෙනවා. ලෝක කාලගුණ විද්‍යා සංවිධානය පැවසුවේ ඉදිරි දිනවලදී උෂ්ණත්වය ඉහළ යා හැකිබවයි. උතුරු අමෙරිකාව,ආසියාව සහ උතුරු අප්‍රිකාවේ උෂ්ණත්වය සෙල්සියස් අංශක 40 ක තරම් ඉහළ අගයක් වාර්තා වෙතැයි අපේක්ෂා කරනවා.
ග්‍රීසිය,ස්පාඤ්ඤය සහ ඉතාලියේ ඇතැම් ප්‍රදේශවල ලැව්ගිනි හටගෙන තිබෙන අතර සමහර නගරවල උෂ්ණත්වය සෙල්සියස් අංශක 40 ක් වී තිබෙනවා. ස්පාඤ්ඤයේ Canary ප්‍රදේශයේ හටගත් ලැව්ගිනි තත්වය නිසාවෙන් හාරදාහකට අධික පිරිසක් එම ප්‍රදේශයෙන් ඉවත් කරනු ලැබුවා. චීනයේ Talim සුළි කුණාටුව නිසාවෙන් ජන ජීවිතවලට බාධා එල්ල වී ඇති අතර ආසියාවේ ස්ථාන කිහිපයකම ගංවතුර තත්වයන් ඇතිවී තිබෙනවා.
පැසිෆික් සාගරයේ වර්ධනය වෙන එල් නිනෝ තත්වය නිසාවෙන් ඉදිරියේදී කාලගුණ තත්වය වඩාත් අයහපත් වනු ඇතැයි වාර්තා වෙනවා.
– NBC News ඇසුරෙනි –
