Air Seychelles ගුවන් සේවය තම ඍජු ගුවන් ගමන් මෙහෙයුම් කටයුතු ශ්‍රී ලංකාවේ බණ්ඩාරනායක අන්තර්ජාතික ගුවන්තොටුපොළ දක්වා සිදු කිරීම අද දින නිල වශයෙන් ආරම්භ කරා. Air Seychelles ගුවන් සේවය ශ්‍රීලංකාව සමග සතියකට ගුවන් ගමන් වාර දෙකක් බැගින් සිදුකිරීමට සියලු කටයුතු සූදානම් කර ඇත. ශ්‍රී ලංකාවට පැමිණි මංගල ගුවන් ගමන අද දින(21) පෙ.ව. 03.50 ට සුහ මොහොතින් සිදුකරනු ලැබූ අතර ඒ සදහා Airbus A320 Neo වර්ගයට අයත් ගුවන් යානයක් යොදා ගන්නා ලදි. මෙම ගුවන් යානයේ වරකට ව්‍යාපාරික පන්තියේ මගීන් 12 කට සහ Economy පන්තියේ මගීන් 156 කට එකවර ගමන් කිරීමේ හැකියාවක්ද පවතී.
මෙහිදි Air Seychelles හි ප්‍රධාන වාණිජ නිලධාරි චාල්ස් ජොන්සන් මහතා පවසනු ලැබුවේ, Air Seychelles ශ්‍රීලංකාව සමග සම්බන්ධ වන මෙම අවස්ථාව පිළිබඳව ඉමහත් සතුටට පත්වන බවයි. මෙමගින් දෙරටෙහිම සංචාරක, වෛද්‍ය සහ වෙළඳ අවස්ථාවන් තවත් පුළුල් වනු ඇති අතර දෙරට අතර දැනට වෙළඳපොළේ පවතින මිලට වඩා බෙහෙවින් අඩු මිල ගණන් යටතේ සංචාරය කිරීමට ඉතා අඩු කාලයකින් අවස්ථාව උදාවනු ඇති බවද ඔහු එහිදී වැඩිදුරටත් සඳහන් කළේය.
එමෙන්ම Air Seychelles ගුවන් සමාගම ශ්‍රී ලංකන් ගුවන් සමාගම සමඟ ඇති කරගත් අන්තර් සම්බන්ධතා හවුල්කාරිත්වය හේතුවෙන් තවත් ගමනාන්ත ගුවන් තොටුවලවල් 20 කට වැඩි සංඛ්‍යාවක් සමඟ සම්බන්ධ වීමේ අවස්ථාවද උදා වි තිබේ. උදාහරණ ලෙස ඉන්දියාව, බංගලාදේශය හා වැඩි සංචාරක ආකර්ෂණය සහිත බැංකොක්, කොවලාලම්පුර් සහ සිංගප්පුරුව යන ගමනාන්ත දැක්විය හැකියි.
වැඩබලන ප්‍රධාන විධායක නිලධාරි සැන්ඩි බෙනෙයිටන් මහතා ප්‍රකාශ කළේ, මෙම නව ගමනාන්තය, කලාපයේ ගුවන් සබඳතා වැඩිදියුණු වීමට හේතුවන බවත්, එයට ඉදිරියටත් දායක වීමට තමන් බලාපොරොත්තු වන බවත්ය.
Air Seychelles ගුවන් ගමන් කාලසටහන
අංකය ආරම්භය පිටත්වීම ගමනාන්තය පැමිණීම දිනය
HM 263 කොළඹ 04.50 සීෂෙල්ස් 07.35 බදාදා, ඉරිදා
HM 262 සීෂෙල්ස් 22.05 කොළඹ 03.50 අඟහරුවාදා, සෙනසුරාදා
