Afghanistan Vs Sri Lanka ODI තරගාවලිය නුවර පල්ලෙකැලේ ජාත්යන්තර ක්රිකට් ක්රීඩාංගණයේදී පෙබරවාරි 09, 11 සහ 14 යන දිනයන්හිදී පැවැත්වීමට නියමිතයි. පළමු එක්දින තරඟයට පෙර අද දින (08) පල්ලෙකැලේ ක්රීඩාංගනයේදී කණ්ඩායම් දෙකම පෙර පුහුණුවීම් වල නිරත වුනා.
පුහුණුවීම් වලින් අනතුරුව ශ්රී ලංකා එක්දින ක්රිකට් නායක කුසල් මෙන්ඩිස් මාධ්ය වෙත අදහස් දක්වමින් පවසා සිටියේ ඇෆ්ගනිස්ථාන කණ්ඩායම කිසිම අයුරකින් සුළුකොට සලකා ක්රීඩා නොකරන බවයි. වැඩි දුරටත් අදහස් දක්වමින් කුසල් මෙන්ඩිස් පවසා සිටියේ ශ්රී ලංකාව එක්දින ශ්රේණිගත කිරීම් ලයිස්තුවේ 7 වැනි තැන සිටීම ඉලක්කමක් පමණක් බවයි.
“මේ තරඟාවලියේ හොඳට කළොත් අපිට උඩට එන්න පුළුවන්. කලින් අවුරුදු වල අපි හොඳට සෙල්ලම් කරපු නැති නිසා තමයි අපි ශ්රේණිගත කිරීම් වල පල්ලෙහාට ගියේ”
“මා හිතනවා, මේ අවුරුද්ද පටන් ගනිද්දීම, අපි සිම්බාබ්වේ එක්ක තරග තුනම හොඳට ඉවර කළා.
“මේ කණ්ඩායමත් එක්ක අපි සෑහෙන්න සෙල්ලම් කරලා තියෙනවා. අපේ පළපුරුදු ක්රීඩකයන් සෑහෙන පිරිසක් ඉන්නවා. අපේ පන්දු යැවීම ගත්තත්, පිතිහරඹය ගත්තත්, අපට හොඳ කණ්ඩායමක් ඉන්නවා”
“මම හිතන්නේ ශ්රේණිගත ස්ථානය ගැන ඔලුවට දාගන්නේ නැතිව, අපි තරගයෙන් තරගය ඉදිරියට ගියොත් මේ තරගාවලිය හොඳින් අවසන් කරගන්න පුළුවන් කියලයි”
“ආරම්භක පිතිකරුවන්ගේ කාර්ය භාරය පහසු එකක් නෙමේ. දෙපැත්තෙන් අලුත් බෝල දෙකක් යොදාගන්නේ. ඒ නිසා ඒ දෙන්නගේ ක්රීඩාව එකිනෙකාට වටහා ගන්න කාලයක් දෙන්න ඕනේ”
“මම වුණත් කීප දෙනෙක් එක්ක ඉනිම ආරම්භ කරලා තියෙනවා. සමහර වෙලාවට, එක එක පිතිකරුවන් එක්ක එක තරගාවලි සෙල්ලම් කරන එක ගොඩක් අමාරුයි. ඒක ඒ වෙලාවේ ලකුණු අතර ඉන්න පිතිකරුවාට උණත් අමාරුයි. ඒ නිසා අපි කතාකරලා තියෙනවා, අවිශ්කටයි, පැතුම්ටයි තවත් තරගාවලි එකක් දෙකක් දෙන්න” යයි ද කීවේය.
වැඩිදුරටත් අදහස් දැක්වූ නායක කුසල් මෙන්ඩිස්.
“ඇෆ්ඝනිස්ථානය තවදුරටත් අත්දැකීම් නැති කණ්ඩායමක් හැටියට සලකන්න බෑ. ඒගොල්ල ගොඩාක් ලීග් ක්රිකට් ගහනවා. මම අවුරුදු 8 ක් අන්තර්ජාතික ක්රිකට් ක්රීඩාවේ ඉඳලත්, සෙල්ලම් කරලා තියෙන්නේ ලීග දෙකක විතරයි. ඒත් ගුර්බාස් වගේ ක්රීඩකයෙක්, මේ තරම් පොඩි කාලයකදී, ලීග කිහිපයකම සෙල්ලම් කරලා තියෙනවා.”
“ඒවායේදී ඔවුන් ලෝකයේ හොඳම ක්රීඩකයන්ට එරෙහිව වගේම සියලුම ආකාරයේ තරග තත්ත්වයන් යටතේදීත් ක්රීඩා කරලා තියෙනවා. ඒ හින්දා මේ ගොල්ලත් එක්ක වැරදි කරන්න බෑ”
ඇෆ්ගනිස්ථානය සමග පැවැත්වෙන එක්දින තරඟාවලිය සඳහා නම් කර ඇති ශ්රී ලංකා සංචිතය. මෙහිදී විශේෂත්වය වන්නේ හිටපු නායක දසුන් ශානක මෙම සංචිතයට ඇතුලත් නොවීමයි.
ටෙස්ට් තරගයේ දෙවැනි ඉනිමේදී එකතැන කඩා වැටුණ නමුත් ඇෆ්ඝනිස්ථානු එක්දින පිලට ප්රබල ක්රීඩකයෝ කිහිප දෙනෙක්ම එක්වී සිටිති. කඩුලු රකින්නා වන රමනුල්ලා ගුර්බාස්, අස්මතුල්ලා ඔමර්සායි, මොහොමඩ් නබී, ගුලාබ්දීන් නයීබ් සහ නූර් අහමඩ් එක්දින සංචිතය ශක්තිමත් කිරීමට එක්වී සිටිති.
පෙර පුහුණුවෙන් පසු මාධ්ය වෙත අදහස් දැක්වූ ඇෆ්ගනිස්ථාන නායකයා කියා සිටියේ කණ්ඩායමට එක්වූ පළපුරුදු ක්රීඩකයන්ගෙන් වැඩි යමක් කෙරෙනු ඇති බවයි.
ශ්රී ලංකාව සමග පැවැත්වෙන එක්දින තරඟාවලිය සඳහා නම් කර ඇති ඇෆ්ගනිස්ථානු එක්දින සංචිතය.
