A Dead Body – ඉහල කොත්මලේ ජලාශයේ පාවෙමින් තිබියදී පාසල් සිසුවියකගේ මල සිරුරක් සොයා ගත් බව තලවකැලේ පොලීසිය පවසයි. මෙසේ මරණයට පත්ව ඇත්තේ තලවකැලේ, රත්නිල්ලකැලේ පදිංචිව සිටි පෙරියසාමි දිලුක්ෂිණා නැමති 18 හැවිරිදි පාසල් සිසුවියකි.
උසස් පෙළ විභාගයට මුහුණ දීම වෙනුවෙන් නිවසේ සිට පාඩම් කටයුතුවල නිරතව සිට ඇති මෙම සිසුවිය , උදෑසන බලන විට නිවසේ නොසිටි බවට ඇයගේ පියා විසින් පොලීසියට පැමිණිල්ලක් කර තිබු බවත්, ඉකුත් 18 වන දින රාත්‍රීයේදීත් ඇය නිවසේ අධ්‍යාපන කටයුතුවල නිරතව සිටි බවට පොලීසිය සිදු කරන ලද පරීක්ෂණ වලින් අනාවරණය වූ බවත් තලවකැලේ පොලිසිය පවසයි. කෙසේ වෙතත් මරණයට හේතුව මෙතෙක් හෙළිවී නොමැත.
