True Love මං කදුළු පිහින්න එන්නෑ
කියන්නද මං එක දෙයක්..?
ආදරේ ගැන විශ්වාසයක්
නැති කාලෙක තමයි
ඔයාව මට මුණගැහුණෙ
ඔයා මාවම ඕනේ කියද්දී
හරි අඩම්බරෙන් ගෙදරට පවා කිව්වෙ
මට අදරයක් හම්බවුණා කියල……..
මං දැක්කා මේ ඇස්වලින්
ඔයා බය වෙනවා මං නැතිවෙයි කියල
දෙවියන්ගෙනුත් ඉල්ලුව මං
මේ නපුරවම මට ඕනෙ කියලා
මොකද මං දැනන් හිටියා
ආදරේ වැඩීම නපුරු හිත් ළඟ කියලා……
දන්නවද ඔයා..?
මේ ලොකේ ඕනම කෙළවරකට
බය නැතුව මං ගියෙ තාත්තගෙ අතින් අල්ලන්
තුරුළු වුණු එකම පපුවත් තාත්තගෙ
වැඩිම ආදරෙත්, විශ්වාසෙත් එයාමයි
ඉතින් ඊට පස්සෙ
ඒ සේරටම හිටිය කෙනා ඔයා….
හුඟක් ළඟටම එනකං
ඔයා මං කියපු හෑම දේම
පිලිගත්තෙ හරි ආදරෙන්
මං හිතුවෙ ඔය ආදරේ මගෙයි
මටම විතරයි කියලා
ඔයාමයි මට පෙන්නුවේ
ඒක එහෙම නෙමෙයි කියලා….
ඒත් ආදරේ වැඩිකමට
ඔයා අතෑරෙයි කියන බයට
ඉල්ලුවේ එක දෙයයි මං
ටිකක් කල් යනකන්
ගොඩක් අඩුපාඩු වෙයි මගෙන්
වෙනස් වෙන්නෙපා ඔයා එහෙම
මං දන්නෙ මට ඉන්නෙ
ඔයා විතරයි හොඳද කියලා….
හැමෝගෙම හිත් රිද්දලා
ඔයාවයි මං ඉල්ලුවේ
ඔයා මං ගැන කිය කියා
ළඟින් හිටි අය ඉස්සරහ
මාව හොඳ හැටි රිද්දුවා
දකිද්දිත් මං ඔයාටම ලංවුනා
දන්නවද ඔයා දෙයක්
ගොඩක් පිරිමින්ගෙ
මුල්ම ආදරේ අම්මා
ඊට පස්සෙ නෝනා……
ඉතිං ඔයාට තේරෙන
දවසක් එනවා
එදාට මං ඔයා ගාව නැතත්
වැඳ වැටෙන, කරදර වෙන
කෙනෙක් හිටියත්
හැම නරකටම එන අය
හිටියත් නැතත්
එදාට ඔයා අඩල වැඩක් නෑ
කදුළු පිහින්න මං එන්නෑ……..
