More
    spot_img
    ArtThe Dead Zone ව්‍යාජ දරු සුරතල් පෙන්වන රැවටිලිකාර දේශපාලනය

    The Dead Zone ව්‍යාජ දරු සුරතල් පෙන්වන රැවටිලිකාර දේශපාලනය

    -

    spot_img

    The Dead Zone – Jhonny Smith කඩවසම්,තරුණ ගුරුවරයෙක්. ඔහුගේ සුන්දර පෙම්වතිය Sara. ඔවුන් හරිම ආදරෙන් ජීවත්වුණා. දවසක් ඇයත් සමගින් Roller Coaster එකේ යද්දි ඔහුට තද හිසරදයක් දැනුණා. ඔහු Sara සමගින් ඇගේ නිවසට ආවා. එය කුණාටු සහිත වැසිබර රාත්‍රියක්. රාත්‍රිය ඇගේ නිවසේ ගතකරන්නැයි පෙම්වතියගේ ඇවිටිලි ආචාරශීලීව ප්‍රතික්ෂේප කරන ඔහු ඇගෙන් සමුගන්නවා.

    අපරාදෙ,ඔහුට ඇය හා නතරවෙන්නයි තිබුණෙ. චිත්‍රපටය නරඹන අයට එලෙසින් සිතෙන්න පුළුවන්. රාත්‍රී අඳුර මැදින් නිවස වෙත පියමනින Jhonny රිය අනතුරකට පත් වෙනවා. ඔහුගේ තත්වය බරපතළයි. අනතුර හේතුවෙන් අවුරුදු පහක් කෝමා තත්වයට පත්ව සිටි ඔහු යලි සාමාන්‍ය තත්වයට පැමිණෙන විට කාලය තමාගෙන් බොහෝ දේ උදුරාගෙන ඇතිවග ඔහුට තේරුම් යනවා. වෙන අයෙක් හා විවාහ වූ Sara දැන් එක් දරු මවක්.

    The dead Zone

    ඔහුට ප්‍රතිකාර කිරීමට හෙදිය පැමිණෙනවා. Jhonny එක්වරම ඇගේ අත අල්වා ගන්නවා. ඒ සමගම ගින්නකට හසුවී නිවසක් තුළ සිටින කුඩා දැරියකගේ දසුනක් ඔහුගේ දෑස් ඉදිරියේ මැවෙනවා. ඔහු එය හෙදිය හා පවසන්නේ එම දැරියගේ නම සමගින්. ඒ තම දියණිය බැව් වටහා ගන්නා හෙදිය ඉක්මනින් තම නිවසට යන අතර ගින්නට අසුව සිටින දියණියව බේරා ගැනීමට ඇයට හැකිවෙනවා. කෙනෙකුගේ අත අල්ලා ගැනීමෙන් ඔහුගේ හෝ ඇයගේ අතීතය,වර්තමානය හෝ අනාගතයට සම්බන්ධ සිදුවීම් දර්ශනය වන අපූරු හැකියාවක් තමාට ලැබී ඇති වග ඔහුට තේරුම් යනවා. මේ අයුරින් කිහිප දෙනෙකුගේම ගැටළු සහගත අවස්ථාවන්ට දායක වෙන්න ඔහුට සිදුවෙනවා. තමාට අනාගත සිදුවීම් වෙනස් කළ හැකි හැකියාවක් (Dead zone) ඇති වග ඔහු හඳුනා ගන්නවා. ඔහුට තම පෙර පෙම්වතිය මුණ ගැහෙනවා. නගරය හැරදා වෙනත් තැනක පදිංචියට යන Jhonny පාසල් ළමුන්ට ටියුෂන් දෙමින් හුදෙකලාව ජීවත්වෙනවා.

    Greg Stillson කියන්නෙ දේශපාලඥයෙක්. බලය වෙනුවෙන් ඕනෑම දෙයක් කිරීමට සූදානම්,කපටිකමේ ප්‍රතිමූර්තියක්. (Martin Sheen ගෙ රංගනයේ තාත්වික බව උපරිමයි) නුදුරු දිනක එලඹෙන මැතිවරණය සඳහා ඔහු හා ඔහුගේ පාක්ෂිකයන් සූදානම් වූවා. Stillson තම ජයග්‍රහණය ගැන විශ්වාසයෙන් පසුවුණා. Jhonny ගේ පෙර පෙම්වතිය Sara ත් Greg Stillson වෙනුවෙන් වැඩ කළා. නගරයේ පැවති දේශපාලන රැලියකදී Greg Stillson, Jhonny ට අතට අත දුන්නා. මේ කූට දේශපාලඥයාගේ අත අල්ලා ගන්නවාත් සමගම තම මව්බිමේ ඛේදනීය අනාගතය Jhonny Smith ගේ දෑස් ඉදිරියේ මැවුණා.

    ඔහු තීරණයක් ගන්නවා. එය උතුම් තීරණයක්. Greg Stillson ගෙන් තම මවුබිම බේරා ගැනීමට ඔහු සූදානම් වෙනවා. මේ වීරයෙක් ගැන කතාවක්.

    The dead Zone

    අවසානයට ආසන්න වෙනතෙක්ම මෙහි කතාව ගැන සටහන් කරත්, මෙහි අවසානය ඔබව කම්පනයට පත් කරාවි. (ඒක මේ කතාවෙ හිමිකරුගෙ ජන්ම ගතියක්) කුඩා දරුවන් නලවමින්,හුරතල් කරමින් සහ වඩාගනිමින් ඔබ හමුවට එන දේශපාලඥයන් අතීතයේත් සිටියා. වර්තමානයේත් සිටිනවා. අනාගතයේත් සිටිනු ඇති. ඔවුන්ගෙන් ප්‍රවේශම් වෙන්න.

    තම උපන් බිමේ අනාගතය වෙනුවෙන් Jhonny Smith ගන්නා තීරණය කුමක්ද?

    අමෙරිකානු ලේඛක Stephen King විසින් රචිත The Dead Zone කෘතිය ඇසුරින් නිමවූ, The Dead Zone (1983) චිත්‍රපටය විශිෂ්ට අත්දැකීමක්. David Cronenberg ගේ අධ්‍යක්ෂණයක්. මෙම චිත්‍රපටයට Christopher Walken, Brooke Adams, Martin Sheen ඇතුළු රංගන ශිල්පීන් රැසක් රංගනයෙන් දායක වෙනවා.

    The dead Zone

    Latest news

    Shooting in Hikkaduwa – හික්කඩුවේ වෙඩි තැබීමක්

    Shooting in Hikkaduwa හික්කඩුව කුමාරකන්ද ප්‍රදේශයේ අද (03) පස්වරු 7.00 ට පමණ වෙඩි තැබීමක් සිදුව තිබෙනවා. යතුරුපැදියකින් පැමිණි පුද්ගලයෙකු විසින්...

    Special transportation services අවුරුද්දට ගම්බිම් බලා යන ජනතාවට විශේෂ ප්‍රවාහන සේවා ලබන 08 වැනිදා සිට

    Special transportation services  එළැඹෙන සිංහල දෙමළ අලුත් අවුරුද්ද සැමරීමට ගම්බිම් බලා යන ජනතාවට විශේෂ ප්‍රවාහන සේවා ලබන 08 වැනිදා...

    Highland products හයිලන්ඩ් නිෂ්පාදන කිහිපයක මිල අඩු කෙරේ

    Highland products  - හයිලන්ඩ් යෝගට් සහ දියර කිරි මිල පහත දැමීමට එම සමාගම තීරණය කර තිබෙනවා. ඒ අනුව යෝගට් එකක...

    Parliament පාර්ලිමේන්තුවේ ඉන්න “චොප්පේ” කවුද?

    Parliament - පසුගියදා (මාර්තු 31) පැවති ප්‍රාදේශීය සභා මැතිවරණ ප්‍රචාරක වැඩසටහනක් අමතමින් පාර්ලිමේන්තු මන්ත්‍රී දයාසිරි ජයසේකර මහතා සදහන් කර...
    - Advertisement -spot_img

    Batman සදහටම සමුගනී

    Batman Forever, Star of Top Gun වැනි චිත්‍රපට ඔස්සේ අතිශය ජනප්‍රියත්වයට පත් අමෙරිකානු රංගන ශිල්පී Val Kilmer ඊයේ (අප්‍රේල්...

    Parliament පාර්ලිමේන්තුවේ ඉන්න “චොප්පේ” කවුද?

    Parliament - පසුගියදා (මාර්තු 31) පැවති ප්‍රාදේශීය සභා මැතිවරණ ප්‍රචාරක වැඩසටහනක් අමතමින් පාර්ලිමේන්තු මන්ත්‍රී දයාසිරි ජයසේකර මහතා සදහන් කර...

    Must read

    - Advertisement -spot_imgspot_imgspot_imgspot_img

    You might also likeRELATED
    Recommended to you

    <p>You cannot copy content of this page</p>