Struggle – 2022 මැයි 09 වැනිදා අරගලකරුවන් විසින් ගම්පහ දිස්ත්‍රික්කය තුළ විවිධාකාරයෙන් හානි සිදුකළ නිෂ්චල හා චංචල දේපොළවලට අදාළව වන්දි ගෙවීම් කඩිනමි සිදු කරන ලෙස ආණ්ඩු පක්ෂ ප්‍රධාන සංවිධායක, නාගරික සංවර්ධන හා නිවාස අමාත්‍ය, ප්‍රසන්න රණතුංග මහතා හානි පූර්ණ කාර්යාලයට හා තක්සේරු දෙපාර්තමේන්තුවට අද (මාර්තු 27) උපදෙස් දී තිබේ.
අමාත්‍යවරයා මේ බව සඳහන් කර ඇත්තේ, අදාළ වින්ධිතයන්ට වන්දි ලබාදීම පිළිබඳව විශේෂ සාකච්ඡාවක් ගම්පහ දිස්ත්‍රික් ලේකම් කාර්යාලයේදී පැවති අවස්තාවේදීය. ගම්පහ දිස්ත්‍රික්කයේ නිවාස හා දේපළ හානියට පත්වීම සම්බන්ධයෙන් වාර්තා වී ඇති සිද්ධීන් ගණන 162 ක් පමණ වන අතර මේ වනවිට ගිනි තබා විනාශ කරන ලද නිවාස 42කින් නිවාස 33ක් සඳහා හානි පූර්ණ කාර්යාලය මඟින් වන්දි ලබාදී තිබෙන බව අමාත්‍යවරයා සඳහන් කළේය.
