Philippines – පිලිපීනයේ කතෝලික දේව මෙහෙයක් අතරතුර සිදුවූ පිපිරීමකින් පුද්ගලයින් තිදෙනෙකු මියගොස් නව දෙනෙකු තුවාල ලබා ඇති බව බලධාරීහු පවසති. අද [3 වෙනි ඉරිදා] උදෑසන Marawi නගරයේ Mindanao State University (MSU) හි ව්යායාම ශාලාවකදී මෙම පිපිරිම සිදුව තිබේ. මෙම පිපිරිම සිදුවූ ස්ථානය 2017 දී , ඉස්ලාමීය සටන්කාමීන් සහ රජයේ හමුදා අතර මාස පහක පමණ සටන් ඇතිවූ ස්ථානයක් බවයි පැවසෙන්නේ.
MSU විශ්ව විද්යාලය ප්රකාශ කර සිටින්නේ, ඔවුන් මෙම “අඥාන සහ බිහිසුණු” ප්රචණ්ඩත්වය” පිළිබඳව දැඩි ශෝකයට හා කම්පනයට පත්වන බවයි. “ශිෂ්ට සමාජයක ප්රචණ්ඩත්වයට තැනක් නැත, MSU වැනි උසස් අධ්යාපන ආයතනයක එය විශේෂයෙන් පිළිකුල් සහගත ය” යනුවෙන් එහි සඳහන් වේ. “අපි අපගේ ක්රිස්තියානි ප්රජාව සහ මෙම ඛේදවාචකයෙන් විපතට පත් වූ සියලු දෙනා සමඟ සහයෝගයෙන් සිටිමු.” විශ්වවිද්යාල පරිශ්රයේ අතිරේක ආරක්ෂක කාර්ය මණ්ඩලයක් යොදවා ඇති අතර නැවත දැනුම් දෙන තුරු සියලුම අධ්යයන කටයුතු අත්හිටුවන බව විශ්වවිද්යාලය වැඩිදුරටත් සඳහන් කළේය.
-BBC News ඇසුරෙනි- by Christy Cooney
IMAGE SOURCE: PROVINCIAL GOVERNMENT OF LANAO DEL SUR
