Patronage of the President – ශ්රී ලංකාවේ සංචාරක ක්ෂේත්රයේ පාර්ශ්වකරුවන් සක්රීයව සම්බන්ධ වන මෙරට දැවැන්තම සංචාරක ප්රදර්ශනය වන “සංචාරක උදාව 2025” ජනාධිපති අනුර කුමාර දිසානායකගේ ප්රධානත්වයෙන් ඊයේ (23) කොළඹ බණ්ඩාරනායක අනුස්මරණ ජාත්යන්තර සම්මන්ත්රණ ශාලා පරිශ්රයේදී ආරම්භ කෙරුණා.
ශ්රී ලංකා සංචාරක ප්රවර්ධන කාර්යංශය (SLTPB) සහ ශ්රී ලංකා සංචාරක ප්රවර්ධන ක්රියාකරුවන්ගේ සංගමය (SLAITO) එක්ව සංවිධානය කරන “සංචාරක උදාව” ප්රදර්ශනය ඊයේ (23) සහ අද (24) දෙදින තුළ පැවැත්වෙනවා.
මෙම ප්රදර්ශණය මෙරට සංචාරක ක්ෂේත්රයට සම්බන්ධ කුඩා හා මධ්ය පරිමාණ ව්යාපාර මෙන්ම සංචාරක ක්ෂේත්රයට පිවිසීමට බලාපොරොත්තු වන ඕනෑම අයෙකුට තම භාණ්ඩ හා සේවා සඳහා වෙළෙඳපොළ අවස්ථාවන් හඳුනා ගැනීමට අනගි අවස්ථාවක් වනවා.
මෙම ප්රදර්ශනය වෙළෙඳ කුටි 250කින් සමන්විත අතර, හෝටල්, සංචාරක නියෝජිතයන්, ගුවන් සේවා සමාගම්, සංචාරක සේවා සපයන්නන්, අධ්යාපන ආයතන ඇතුළු ක්ෂේත්ර රැසක නියෝජිතයෝ ඊට එක්ව සිටින බවයි වැඩිදුරටත් සඳහන් වන්නේ.
