Maternity Hospital – ජර්මන්, ශ්රී ලංකා මිත්රත්ව ණය ආධාර මුදල් යටතේ යුරෝ මිලියන විසි පහක මුදලක් (රුපියල් කෝටි 357ක්) වැයකර ඉදිකරනු ලැබ ඇති, දකුණු ආසියාවේ විශාලත ම මාතෘ රෝහල ලෙසින් සැළකෙන ගාල්ල කරාපිටියේ නව කාන්තා රෝහල අනිද්දා (මාර්තු 27) ජනපති රනිල් වික්රමසිංහ අතින් විවෘත කිරීමට නියමිතය.
සුනාමියෙන් හානිවූ ගාල්ල මහමෝදර මාතෘ රෝහල වෙනුවට අලුතෙන් මාතෘ රෝහලක් ඉදිකිරීම සඳහා ජර්මනියේ හිටපු චාන්සලර් වරයෙකුගේ මැදිහත්වීමෙන් පරිත්යාග කළ රුපියල් කෝටි 300ක මුදලකින් 2007 වසරේ මෙය ආරම්භ කිරීම සිදුවුවත්, එම කටයුතු අතරමඟ නතර වී තිබිණි. මහල් හයකින් යුක්ත මෙම රෝහල ඇඳන් හයසියයකින් හා ශල්යාගාර හයකින් සමන්විත යැයි ද හදිසි ප්රතිකාර ඒකක, දැඩි සත්කාර ඒකක, රසායනාගාර, ළදරු දැඩි සත්කාර ඒකක, විශේෂ ළමා ඒකක ඇතුළු සියලුම නවීන වෛද්ය පහසුකම්වලින් යුක්ත යැයිද රෝහල් අධ්යක්ෂ බී. විමලසේන මහතා පවසයි.
