LTTE – තම භූමිය වෙනුවෙන් සටන් කළ හිටපු සියලුම එල්.ටී.ටී.ඊ. සාමාජිකයන්ව එක කූඩයක් යටට රැස් කරන්නැයි එක්සත් දෙමළ නිදහස් පෙරමුණේ නායක කරුණා අම්මාන් හෙවත් විනයාගමුර්ති මුරලිදරන් තමන්ට නියෝග කර ඇතැයි එම පක්ෂයේ නියෝජ්‍ය නායක ජෙයා සරවනන් පවසයි. දමිළ රූපවාහිනි නාලිකාවකට සම්මුඛ සාකච්ඡාවක් ලබා දෙමින් ඔහු මේ බව පවසා තිබේ.
විනයාගමූර්ති මුරලිදරන් තමන්ව උතුරු පළාත භාරව මේ වන විට පත්කර ඇති බව කී සරවනන්, හිටපු එල්.ටී.ටී.ඊ. සාමාජිකයන් රජයේ පුනරුත්ථාපන වැඩපිළිවෙළින් පසුව සමාජගත කෙරුණත්, මේ වන විට ඔවුන්ගෙන් බොහොමයක් දෙනා එදිනෙදා ආහාරවේල පවා සපයා ගත නොහැකිව දුක් විඳින බව පෙන්වා දුන්නේය. මේ සියලු සාමාජිකයන්ගේ ජීවනෝපාය මාර්ග නගා සිටුවීම විනයාගමූර්ති මුරලිදරන්ගේ සිහිනය වී ඇති බව කී හෙතෙම, හිටපු සන්නද්ධ නායකයෙකු එසේ ඔවුනට එක්වන ලෙස නියෝග කළහොත්, අනිවාර්යයෙන්ම ඔවුන් පැමිණෙනු ඇති බවත් සරවනන් විශ්වාසය පළ කළේ ය.
News Source: Mawbima by Lakshmi Jayakody.
Image Source: On Lanka
