Loneliness මාත් එක්ක මං විතරයි
ඔයත් එක්ක ඔය ගෙදරට ආවෙ
මං විතරක් නෙවෙයි
මාත් එක්ක මගේ හීන, පවුලෙ හීන
ඔක්කොම ආව
ඒත් ඔය ගෙදරින් එළියට බැහැල ආවේ
මාත් එක්ක මං විතරයි තනියම……
යනකොට තුටින් අරන් ගිය සේරම
ඔයාගේ නපුරුකම් වලට විටින්, විට
බිඳිලා ගියාම
බැඳිලා, ඇලිලා ඉන්න හිත කිව්වත්
බෙදිලා, වෙන්වෙලා ආවේ
ඔයාගේ සතුටට….
දික්කසාදය බර බව දන්නවා ගෑනියෙකුට
ලෝකය පතුරු ගහන්නෙම එහෙම ගානුන්ව
ඒත්,
විඳවලා, හුල්ලලා, ඉවසලා බැරිම දවසට
ලෝක අපවාද සතේකට මායිම් නොකර
හිත හයිය ගෑනු බහිනවා සතුට නැති
ලෝකෙන් එළියට…
කොයිම හරි දවසක ජිවිතේ
ගිහින් හැරිලා මුලටම ඒකේ
බලන දවසක් එනව ආයේ
ඔයාගේ සතුටට මම නේද
තොරණ් බැන්දේ
එහෙම මට ඇයි මෙහෙම කෙරුවේ
ඔයාට රවටන්න මං විතරද හිටියේ…?
