Israel Gaza War – උතුරු ගාසා තිරයේ විශාලතම සරණාගත කඳවුර ලෙස සැලකෙන Jabalya සරණාගත කඳවුරට ඊශ්‍රායලය විසින් මාරාන්තික ගුවන් ප්‍රහාරයක් එල්ල කර ඇතැයි වාර්තා වනවා. රෝහල් ආරංචි මාර්ග වලට අනුව ප්‍රහාරයෙන් මේ වනවිට සියයකට අධික පිරිසක් මියගොස් ඇති බව සඳහන්. ඊශ්‍රායල හමුදා ප්‍රකාශ කළේ, තමන් උතුරු ගාසා තීරයේ සරණාගත කඳවුරට එල්ල කළ ප්‍රහාරය ඔක්තෝබර් 7 වැනිදා ඊශ්‍රායලයට එල්ල වූ හමාස් ත්‍රස්තවාදී ප්‍රහාරයට වගකිව යුතු ඉහළ පෙළේ හමාස් අණදෙන නිලධාරියකු ඉලක්ක කර සිදුකළ බවත් ප්‍රහාරයෙන් ඔහු මිය ගිය බවත් ය. නමුත් හමාස් සංවිධානය මෙය ප්‍රතික්ෂේප කර තිබෙනවා.
වීඩියෝ යොමුව: October 31, 2023 – Israel-Hamas war (cnn.com)
ජෝර්දානයේ රජු, “සටන් විරාමයක වැදගත්කම” අවධාරණය කර ඇති අතර ගාසා තීරයේ ක්‍රියාත්මක වන එක්සත් ජාතීන්ගේ නියෝජිතායතනයේ ප්‍රධානියා පැවසුවේ, රටට ආධාර ඇතුළු වීමට ඉඩ සැලසීම සඳහා එක්සත් ජාතීන්ගේ ආයතන කිහිපයක් මානුෂීය සටන් විරාමයක් ඉල්ලා සිටින බවය. නමුත් ඊශ්‍රායල අගමැති Benjamin Netanyahu “මෙය යුද්ධයට කාලය” යැයි පවසමින් සටන් විරාමයක් ප්‍රතික්ෂේප කර ඇති බව සැලයි. මේ වනවිට දකුණු ඇමරිකානු රටවල් තුනක් ඊශ්‍රායලය සමඟ රාජ්‍ය තාන්ත්‍රික සබඳතා නවතා ඇති බව ප්‍රකාශයට පත් කර තිබෙන අතර පලස්තීන රාජ්‍යයේ එක්සත් ජාතීන්ගේ නිත්‍ය නිරීක්ෂක තානාපති Riyad Mansour කියා සිටියේ, ඊශ්‍රායල ප්‍රහාරය “අපරාධයක්” බවත් ජාත්‍යන්තර අපරාධ අධිකරණය (ICC) මඟින් මේ සඳහා ක්‍රියාමාර්ග ගත යුතු බවත්ය.
-CNN Live Updates ඇසුරෙනි-
Photo Credits: www.reuters.com
