LPL 2023 ක්‍රිකට් තරඟාවලිය අද (30) ආරම්භ වෙනවා. එය අද 30 සිට ලබන මස 20 වනදා දක්වා කොළඹ R ප්‍රේමදාස සහ පල්ලෙකැලේ ක්‍රිකට් ක්‍රීඩාංගන වලදී පැවැත්වීමට නියමිතයි. තරඟාවලියේ මුලික වටයේ තරඟ 20න් තරඟ 12ක් කොළඹ ආර්. ප්‍රේමදාස ක්‍රීඩාංගණයේ දී සහ තරඟ 8ක් මහනුවර පල්ලේකැලේ ක්‍රීඩාංගනයේ දී ද පැවැත්වීමට සැලසුම් කර තිබෙනවා. අවසන් මහා තරඟය ඇතුළු අවසන් වටයේ සියළු තරඟ කොළඹ ආර්. ප්‍රේමදාස ක්‍රීඩාංගණයේ දී පැවැත්වීමට ශ්‍රී ලංකා ක්‍රිකට් ආයතනය සැලසුම් කර තිබෙනවා.
තරඟාවලියේ සමාරම්භක උත්සවය අද (30) සවස 5.30ට ආරම්භ වීමට නියමිතයි. පළමු තරඟය පසුගිය තරඟාවලි සියල්ලේම ශූරතාව දිනාගත් Jaffna Kings කණ්ඩායම සහ Colombo Strikers කණ්ඩායම අතර R ප්‍රේමදාස ක්‍රීඩාංගනයේ දී පැවැත්වීමට නියමිතයි.
මෙවර තරඟාවලියේ ජාත්‍යන්තර නිල විකාශන අයිතිය Star Sports මාධ්‍ය ජාලය හිමිකරගෙන තිබෙන අතර තරඟාවලිය ඉන්දියාව, ශ්‍රී ලංකාව, පාකිස්තානය, බංග්ලාදේශය, භූතානය, නේපාලය, මාලදිවයින හා එක්සත් අරාබි එමීර් රාජ්‍ය ඇතුළු මැද පෙරදිග සහ උතුරු අප්‍රිකා රටවල්වල සජීවී විකාශය කිරීමට නියමිතයි.
තරඟාවලියේ දේශීය නිල රුපවාහිනී විකාශන අයිතිය ස්වර්ණවාහිනී නාලිකාවත්, නිල ගුවන් විදුලි විකාශන අයිතිය තමිල් Fm සහ රිදම් Fm නාලිකාවත් හිමි කරගෙන තිබෙනවා.
