Going In Style: වයස කියන්නෙ ඉලක්කමක් විතරයි කියලා කියනවනේ. ඒ කතාවෙ ඇත්තක් තියෙනවා කියලා ඔප්පු කරන්න පුලුවන් කතාවක් තමයි මේ. Going In Style හොඳට හිනාවෙමින් නරඹන්න පුලුවන් වගේම හිතන්න දේවලුත් ඉතිරි කරන කතාවක්.
විනෝදයෙන් ජීවිතය ගත කරන්න, අරමුණු කරා ළඟාවෙන්න වයස බාධාවක්ද? ඇත්තෙන්ම නැහැ!
මේ කතාව Joe, Willie සහ Albert කියන වියපත් මිතුරන් තිදෙනා ගැන. ජීවිතයේ හැම අවධියකටම පොදු දෙයක් තමයි ප්‍රශ්න.මේ තුන්දෙනාටත් තම තමන්ගේ ප්‍රශ්න තිබුනා. පවුල්වල ප්‍රශ්න. මුදල් ප්‍රශ්න.
දවසක් Joe බැංකුවට යනවා. මේ අවස්ථාවේ බැංකුවට කඩාවදින වෙස් මුහුණු පැළඳි හොරුන් තිදෙනෙක් එහි තිබූ මිලියන ගණනක මුදල් රැගෙන පළායනවා. මර බියෙන් බිම වැතිරී මේ දර්ශනය බලා සිටින වයසක Joe ට අදහසක් එනවා.
බැංකු මංකොල්ලයක් සිදු කරන්න!
Willie සහ Albert මුලින් මේ අදහසට එකඟ නොවුනත් තමන්ගේ ප්‍රශ්න ගැන සිතාබලා එයට එකඟ වෙනවා. තුන්දෙනා මුලින්ම කරන්නේ supermarket එකකින් බඩු හොරකම් කිරීම. කිසිම සැලසුමක් නැති මේ වැඩේ නිසා මේ තුන්දෙනා ඉතාම හාස්‍යජනක සිදුවීම් පෙළකට මුහුණ දෙනවා.
මේක හරියන්නෙ නෑ. හොරකමක් උනත් සැලසුම්සහගතව සිදුකල යුතු බව හිතන මේ තුන්දෙනා ඒ සඳහා උපදෙස් ගන්න සුදුසු කෙනෙක් මුණගැහෙනවා. ඔහු Jesus..Professional අපරාධකරුවෙක්.
ඊට පස්සෙ මොකද වෙන්නෙ? මේ යාළුවො තුන්දෙනාට පුලුවන් වෙයිද බැංකු මංකොල්ලය සිදු කරන්න?
මේ තිදෙනාගේ දිගු කාලීන මිත්‍රත්වය අපූරුයි.මිත්‍රත්වය යනු සම්පතක්. අපි අපේ සමීපතමයන් වෙනුවෙන් කාලය වෙන් කළ යුතු වග, පවුලක ඇති වටිනාකම ගැන මේ කතාව පහදා දෙනවා.
එතකොට ප්‍රේමය?
ප්‍රේමයත් මේ කතාවේ තියෙනවා. ජීවිතයට සහකරුවෙක්, සහකාරියක් අවශ්‍යයි. Love, sex මේ හැමදෙයින්ම නොඅඩු බැඳීමක්. ඉතින් එහෙම බැඳීමක් ඔබ සතු කරගන්න ඔබේ වයස බලපාන්නෙ නෑ..
ජීවිතය යනු සුන්දර විහිළුවක් බවත්,බැරෑරුම්ව සිතීමට තරම් දෙයක් එහි නොමැති බවත් මා අසා තිබෙනවා. එය සත්‍යයක් වග මේ කතාව පසක් කර දෙනවා.
