Fraud and Irregularities කෞතුකාගාරයේ ලක්ෂ දහසයක වංචාව

Fraud and Irregularities – ප්‍රවේශපත්‍ර ආදායම බැංකුගත කිරිමේ දි 2014 වසරේ ජනවාරි සිට 2022 වසරේ අගෝස්තු මස දක්වා කාලය තුළදි ගාල්ල සමුද්‍ර කෞතුකාගාරයේ රුපියල් 1,652,605 මුල්‍ය වංචාවක් සිදුවි ඇති බැව් ජාතික විගණන කාර්යාලය මගින් නිකුත්කොට ඇති විගණන වාර්තාවක සදහන් වේ. මේ පිළිබද 2023 මැයි මස 31 දින ඉදිරිපත්කොට ඇති මුලික විමර්ශන වාර්තාව අනුව මෙම තොරතුරු අනාවරණය වි ඇති අතර ඒ අනුව කෞතුකාගාර දේපාර්තමේන්තුව වෙත අහිමිකර ඇති සමස්ථ ආදායම රුපියල් 1,652,605 ක මුදලක් බවද අලෙවිකළ ප්‍රවේශ පත්‍ර ආදායම් පිළිබද දෛනික ලේඛන තුලනය කිරිමත්, මුදල් බැංකුගත කිරිමත්, අක්‍රමිකතාවයට වගකිවයුතු ස්ථාන භාර නිලධාරියා විසින් සිදුකොට තිබු බවද විගණන වාර්තාවේ වැඩිදුරටත් සදහන්.