Comedy Star – ස්වර්ණවාහිනී නාලිකාව විසින් ඉදිරිපත් කෙරුණු “කොමඩි ස්ටාර්” රියැලිටි වැඩසටහනේ ජයග්‍රාහකයා ලෙස අතිශය රසික ජනාදරයට පත්වු ප්‍රවීන රංග ශිල්පී නන්දන හෙට්ටිආරච්චිගේ 60 වන ජන්ම දින සැමරුම ඊයේ [අප්‍රේල් 22] පිළියන්දල “සයිමන් ඩේල්” නිවාස සංකීර්ණයේදී පැවැත්විණි.
ඔහුගේ ආදරණීය මව, බිරිද, දියණිය, බෑණනුවන් සහ පවුලේ නෑ සිය මිතුරන් මුලික කරගත් සරල,චාම්,සුන්දර සුහද හමුවක් වූ මෙම අවස්ථාවට සරත් කුලාංග, අසංග පෙරේරා, සංජුල දිවාරත්න ඇතුළු ඔහුගේ කලා ලොව සමීපතමයින් සහ මාධ්‍ය මිතුරන් කිහිප දෙනෙකුද සහභාගී වී සිටියහ.
තමන්ට ලැබෙන්නා වූ ජනතා ප්‍රසාදයෙන් හිස උදුම්මා නොගත්, තාමත් පොළොවේ පය ගසා සිටින නිහතමානි,අහිංසක මිනිසෙකු වූ නන්දන හෙට්ටිආරච්චි කලාකරුවාගේ ඉදිරි කලා ජීවිතය වඩාත් සාර්ථක වේවායි තුලන මිඩියා අපෙන් උණුසුම් සුබ පැතුම්!
ජායාරුප : ශාන් බන්දු වීරසිංහ
