The Daly Ship විෂ කන්ටේනර් රැගෙන ආවේ ලංකාවටද?

The Daly Ship – අමෙරිකාවේ බොල්ටිමෝර්හිදී අනතුරට ලක්වූ ඩාලි නෞකාව පැමිණෙමින් තිබුණේ කොළඹ වරාය කරා බවත්, එහි විෂ අපද්‍රව්‍ය ඇතුළත් කන්ටේනර් තොගයක් තිබී ඇති බවත් එබැවින්, ඒ පිළිබඳව මධ්‍යම පරිසර අධිකාරිය පරීක්‍ෂණයක් ආරම්භ කර ඇති බව රාජ්‍ය අමාත්‍ය ජානක වක්කුඹුර ඊයේ (අප්‍රේල් 2) පාර්ලිමේන්තුවේදී ප්‍රකාශ කර සිටියේය. මෙම නැව එළඹෙන අප්‍රේල් 15 වන විට ශ්‍රී ලංකාවට ළඟාවනු ඇතැයි ද එම නෞකාවේ බහාලුම් 764ක උපද්‍රවකාරී අපද්‍රව්‍ය තිබෙන නිසා එම නැව ශ්‍රී ලංකාවට ආසන්න මුහුදේදී නැවත අනතුරකට ලක්වීමට හැකි බව ද මෙහිදී මහාචාර්ය චරිත හේරත් මන්ත්‍රීවරයාද සඳහන් කළේය.