Sudden Deaths – සිය මිත්තණිය විසින් අසනීප තත්වයක් සඳහා ලබාදුන් පැරසිටමෝල් පෙත්තක් උගුරේ සිරවීමෙන් සිහිසුන් වූ සිව් හැවිරිදි දැරියක, පේරාදෙණිය ළමා රෝහලේ දැඩි සත්කාර ඒකකයේ ප්රතිකාර ලබමින් සිටියදී මියගිය පුවතක් වාර්තා වේ. ඕෂධී සවින්ද්යා රාජපක්ෂ නමැති මෙම දැරිය, මව විදේශ ගතවීම හේතුවෙන් තම සීයා, ආච්චි සහ සහෝදරියන් දෙදෙනා සමග නිවසේ ජීවත්ව සිට තිබේ.
පැරසිටමෝල් පෙත්ත උගුරේ සිරවීමෙන් සිහිසුන්ව මහියංගණ රෝහලට රැගෙන ඒමෙන් පසු, හදිසි ප්රතිකාර ඒකකයේදී වෛද්යවරු බෙහෙත් පෙත්ත ඉවත්කර වැඩිදුර ප්රතිකාර සඳහා දරුවා පේරාදෙණිය සිරිමාවෝ බණ්ඩාරනායක ළමා රෝහලට මාරු කර එවා ඇත. “කුඩා දරුවන් සිටින මවුවරු විදේශගත වීම, දරිද්රතාව, නොදන්නාකම නිසා ඖෂධ අධිමාත්රාවක් ලබා දීම, මාර්ග දුෂ්කරතා වැනි ගැටළු රැසක් මෙවැනි මරණ හා බැඳී ඇති බව” පේරාදෙණිය ශික්ෂණ රෝහලේ හදිසි මරණ පරීක්ෂක අමල් ජයවර්ධන පවසයි.
