Loku Patty remanded – ‘ක්ලබ් වසන්ත’ ඝාතනය සම්බන්ධයෙන් චෝදනා එල්ල වී සිටින සංවිධානාත්මක අපරාධ කල්ලි සාමාජිකයෙකු වන ‘ලොකු පැටී’ නමැත්තා එළඹෙන අගෝස්තු 04 වැනිදා දක්වා රක්ෂිත බන්ධනාගාරගත කරන ලෙස නුගේගොඩ මහේස්ත්‍රාත් අධිකරණය අද (01) නියෝග කර තිබෙනවා.
ඒ අනුව, ඔහු අද නුගේගොඩ මහේස්ත්‍රාත් අධිකරණය වෙත ඉදිරිපත් කිරීමෙන් අනතුරුව මෙම නියෝගය ලබා දී ඇති බවයි සඳහන් වන්නේ.
‘ක්ලබ් වසන්ත’ ඝාතනය සම්බන්ධයෙන් චෝදනා එල්ල වී සිටින සුජීව රුවන් කුමාර ද සිල්වා නොහොත් ‘ලොකු පැටී’ නමැති අපරාධකරු පසුගිය මැයි මස 04 වැනිදා දිවයිනට රැගෙනවිත් තිබුණා.
දින 90ක් සැකකරු රඳවාගෙන ප්‍රශ්න කළ විමර්ශන නිලධාරීන් විසින් ඔහු සතු වූ ගිනිඅවි හා දේපළ සම්බන්ධයෙන් වැදගත් තොරතුරු රැසක් අනාවරණය කරගෙන ඇති බවයි වැඩිදුරටත් සඳහන් වන්නේ.
