Borella accident – අද (28) උදෑසන බොරැල්ල, කනත්ත හන්දියේ සිදුවු මාරක අනතුර සම්බන්ධයෙන් අත්අඩංගුවට ගත් දොඹකරයේ රියදුරා එම අවස්ථාවේදී ගංජා මත්ද්‍රව්‍යය භාවිතා කර සිටි බව පසුව සිදුකළ වෛද්‍ය පරීක්ෂණයේ දී අනාවරණය වී තිබෙනවා.
අද උදෑසන රාජගිරිය දෙස සිට බෞද්ධාලෝක මාවත දෙසට ධාවනය වෙමින් තිබූ දොඹකරයක්, කනත්ත වටරවුමේ මාර්ග සංඥා අසල නවතා තිබූ යතුරු පැදි 06 ක සහ මෝටර් රථ 03 ක ගැටී අනතුරක් සිදුවුණා.
මෙම අනතුරින් එක් අයෙක් ජීවිතක්ෂයට පත් වූ අතර, තුවාල ලැබු පුද්ගලයින් 06 දෙනෙකු මේ වනවිට කොළඹ ජාතික රෝහලේ ප්‍රතිකාර ලබමින් සිටින බවයි පොලීසිය පැවසුවේ.
අනතුර සිදුකළ දොඹකරයේ රියදුරු අත්අඩංගුවට ගෙන ඇති අතර, දොඹකරයේ තිරිංග අක්‍රීය වීම හේතුවෙන් මෙම අනතුර සිදුව ඇති බවට පොලීසිය සැක පළ කර තිබුණා.
